Lumipas man ang araw, buwan at taon
Mananatili kang nasa puso ko.
Ilang taon na nga ba ang lumipas?
Ilang taon na nga ba nung huli kitang makita?
Ilang taon na nga ba ang dumaan?
Simula nang ako’y iyong iniwan?
Isang dapithapon
Habang mga kaibigan ay nagkwekwentuhan
Bigla nalang nabanggit ng isa ang iyong pangalan.
Sabay sabing “Kinukumusta ka niya”
At isang ngiti ang gumuhit sa aking mga labi
Ngunit bigla kong naalala
Naalala ko ang huling araw na nakasama kita
Sa isang maganda at tahimik na lugar
Habang masaya tayong nagkwekwentuhan
Habang nakatitig sayong mga mata na tila ba’y ako lang ang tanging nakikita
Naalala ko pa ang mga ngiti mo
Mga ngiting kay tamis
Mga ngiting kay sarap titigan
Mga ngiting nakakahawa
Mga ngiti mong saakin ay nagpapakalma
Bigla ko naalala kung paano mo ako pinapatawa
Sa tuwing nalulungkot ako,lagi mo ako pinapasaya
Sa bawat problema ko, kahit anong bigat ,gumagaan
Dahil andiyan ka at karamay kita
Ee yung tawa mo, naalala mo ba?
Yung tawang parang wala ng bukas
Yung tawang walang pakialam
Marinig man ng karamihan
Sana naalala mo yung mga araw na magkasama tayo
Yung araw na masaya tayo
Yung araw na sinanay mo ako
Sinanay na magkasama tayo
“Okay ka lang ba?”
Isang tanong ng kaibigan
Na nagpanumbalik sa aking wisyo
At dun ko napagtanto na ako’y nangungulila pa rin sayo
“Ayos lang ako”.
Ang tanging naisagot ko
Dahil ang totoo
Naalala ko nung binitawan mo ako
Bumitaw ka
Habang ako’y nakahawak pa
Hanggang sa aking napag isipan
Na bitawan ang iyong mga kamay ng tuluyan
Natuto akong magpalaya
Dahil alam kong hindi ka na ganun kasaya
Natuto akong magpalaya
Para mahanap mo ang sarili mo
Masakit
Pero alam kong masaya ka na
Masakit
Pero masaya dahil nakamit mo na ang tagumpay na pinapangarap mo
Marahil may magkaiba na tayong mundo
Ngunit mananatili sa isip at puso ko
Mananatiling sariwa sa alaala ko
Ang panahong masaya dahil nakilala ko ang isang tulad mo
Saan ka man magpunta
Saan ka man dalhin ng iyong pangarap
Sana ay maalala mong andito ako
Andito ako, nakasuporta pa rin sayo
Lumipas na ang araw, buwan at taon
At ang masasakit at masasayang alaala mo
Ang aking naging baon
Upang maging matatag at magpatuloy!
GraciouslyLucky 
Opo, dahil naniniwala akong lahat ng bagay ay may dahilan. Masakit o masaya man ang pinagdaanan, siguradong may natutunan sa nakaraan na magpapabago sa atin para mas maging mabuti para sa kasalukuyan💕
LikeLike
Kumusta ang literal na “baon” sa panahong ito ng community quarantine? Sana ok kayo diyan.
Dito walang katapusan ang lockdown.
Ako rin ay may alaala ng ex ko at medyo mabigat na baon iyon. Tumitingin ako sa kasalukuyang at kinabukasan. Pero may natutuhan naman sa dating romantikong karanasan.
LikeLike